რუსი მოდელი, ირინა შეიკი მსოფლიოს მასშტაბით ცნობილია თავისი სილამაზით, იგი არა ერთ ცნობილ სამოდელო სააგენტოსთან, სამოდელო სახლთან თუ კომპანიასთან თანამშრომლობს. მოდელის კარიერა არნახული სისწრაფით ვითარდება. იგი სასურველი სტუმარია მრავალ საღამოზე. გთავაზობთ ფოტომასალას, სადაც ასახულია შეიკის საუკეთესო ლუქები.
#იყიდე ქართული გააძლიერე ქვეყანა – ეს სოციალური კამპანია, მედია ჰოლდინგმა ”პალიტრამ” ერთი წლის წინ წამოიწყო. კამპანიის ფარგლებში, საზოგადოებამ ბევრი საინტერესო ქართული ბრენდი გაიცნო. მათ შორის, Glorious-იც, რომელიც ქართულ ბაზარზე ერთი წლის წინ გამოჩნდა, ლამაზი, ხელით ნაქსოვი ქუდებით, კაშნეებით და სხვა აქსესუარებით.
Glorious-ის გამოჩენას ძალიან კარგი გამოხმაურება მოჰყვა. ამჯერად, ბრენდმა ახალი კოლექცია წარმოადგინა. 
ასტროლოგიაში არსებობს კონკრეტული მიმართულება, რომელსაც ევროპელი ასტროლოგები “მოდის ასტროლოგიას” ანუ fashion astrology-ს ეძახიან. ამ სფეროში სპეციალიზაცია გულისხმობს, მოდურ ტენდენციებსა და ასტროლოგიას შორის კავშირის დადგენას. როგორც ცნობილია, ზოდიაქოს თორმეტივე ნიშნის წარმომადგენელ ქალბატონს, სხვადასხვა სახის გემოვნება და ჩაცმის სტილი გააჩნია. ამიტომ ასტროლოგებს, რომლებიც მოდურ ტენდენციებს იკვლევენ, მიაჩნიათ, რომ ჯინსიც კი, შესაძლოა ზოდიაქოს ნიშნის მიხედვით შევარჩიოთ და ვატაროთ. მოდით, გადავხედოთ მათ რჩევებს.
ვერძისთვის ღია ფერის, ნახევებიანი ფაქტურის მქონე ჯინსია სასურველი. რაც მეტი იქნება ნახევი მით უკეთესი.
კუროს თავისუფალი სტილის ე.წ. “ბოიფრენდ” ჯინსი მოუხდება. დიდი ჯიბეებითა და მასიური ქამრით.
ტყუპს სექსუალურობას შესძენს ე.წ. “ლეგინსის” ტიპის ჯინსი.
კირჩხიბს მეტი სითამამისთვის ასტროლოგები ფერადი ჯინსის ტარებას ურჩევენ.
ლომს კი სექსუალური და პიკანტური იმიჯის შესაქმნელად, მამაკაცური ფასონის მქონე ჯინსის ტარება მოეთხოვება.
ქალწულს მეტალის ან ბისერების მქონე აქცენტებით გაწყობილი ჯინსი მოუხდება.
სასწორისთვის კი იდეალური ვარიანტია დაპრინტული ჯინსი.
მორიელისთვის საუკეთესო გზა საკუთარი სექსუალური იმიჯის ხაზგასასმელად მუქი ფერის ე.წ. Skinny Jeans-ის ტარება იქნება.
მშვილდოსნისთვის კი დაბალწელიანი და ფართხუნა ჯინსია იდეალური.
თხის რქას კლასიკური სტილის, ოდნავ მაღალწელიანი ჯინსის ტარებას ურჩევენ ასტროლოგები.
მერწყულისთვის კი იდეალური ვარიანტია დახეული და სხვადასხვა ფაქტურის ქსოვილით აჭრელებული არასტანდარტული მოდელის ჯინსი.
ხოლო თევზებისთვის სასურველია ვიწრო ფორმის მქონე, მაღალწელიანი მაგრამ ღია ტონალობის, კლასიკური ჯინსი.
ახალ სეზონში პრინტები კვლავ ბრუნდება. დიზაინერებმა და მოდელიორებმა დააბრუნეს ეთნო და გეომეტრიული ფიგურები, ცხოველებისა და მულტფილმის გმირების გამოსახულებები, აბსტრაქციები და კარიკატურები.
ცხოველებიდან დიზაინერებს ყველაზე მეტად გველისა და ლეოპარდის პრინტი უყვართ. ძალიან მდიდრულად გამოიყურება ლეოპარდისპრინტიანი ლაბადები, ქურქები და მოსაცმელები.
ბეწვის ინდუსტრიაში თანამედროვე ტექნოლოგიები მაღალ დონეზეა განვითარებული და შესაძლებლობა გვაქვს, მივიღოთ ლამაზი ხელოვნური ბეწვი ლეოპარდის პრინტით.
ასევე, უამრავი დიზაინერი ირჩევს გველის პრინტს, რომელიც ლეოპარდთან ერთად ლიდერ პოზიციებზეა ანიმალისტურ პრინტებში.
უამრავი გოგონა ოცნებობს გველის ტყავისგან შეკერილ ტანსაცმელზე, მაგრამ ოცნების ნაცვლად, უმჯობესი არ არის გამოიყენოთ ქსოვილები, რომლებზეც გველის ტყავია იმიტირებული? არ არის აუცილებელი, ეს იყოს კაბა ან ლაბადა – აქსესუარებიც ძალიან ეფექტურად გამოიყურება. არ აქვს მნიშვნელობა, ნატურალურია ტყავი თუ არა. მთავარია, გველის პრინტი კარგად იყოს შეხამებული ლუქში.
ანიმალისტური პრინტები საკმაოდ საშიშია. თუნდაც ძალიან მოგწონდეთ Givenchy-ს კოლექციაში შეხამებული პრინტები, ნუ იჩქარებთ და ნუ შეურევთ გველისა და ლეოპარდის პრინტებს.
ასევე, ნუ შემოიხვევთ მთლიანად პითონის ტყავს – საკმარისია, მხოლოდ ერთი ელემენტი ლეოპარდის ან გველის პრინტით, რათა ლამაზმანი ”მტაცებლის” იმიჯი შექმნათ. შეხედეთ, რა მოგვიმზადეს დიზაინერებმა 2016/17 წლების ახალ კოლექციებში და მიიღეთ შთაგონება.
მათთვის, ვინც მუდამ გზაშია, ვისაც არ აქვს სალონებში დასახარჯი დრო, მნიშვნელოვანი შეხვედრა დაუნიშნეს მოულოდნელად, ან უბრალოდ, ძალიან უყვარს დილის ძილი და ენანება ვარცხნილობის გაკეთებაზე დასახარჯი ნახევარი საათი, ყოველთვის არსებობს გამოსავალი.
შეიკარი თმა ცხენის კუდად, დაახვიე ბოლოები თმის დასახვევი უთოთი და გაიშალე. მცირე დოზით თმის ლაქი გამოიყენე და საღამოს იდეალური ვარცხნილობაც მზადაა.
მათთვის, ვისაც ნაწნავები მობეზრდა.
გაყავი თმა შუაზე, გაკვანძე, გადაახვიე და დაიმაგრე.
ასეთი ვარცხნილობა ყველაზე უკეთ გამომშრალ, შეღებილ თმაზე გამოდის, რადგან ნაწნავი რთულად იშლება. სხვა შემთხვევაში დამატებითი ფიქსაციაა საჭირო.
მოსაწყენი ვარცხნილობის ახალი ვერსია, რომელსაც მაქსიმუმ ერთ წუთს მოანდომებ.
ამ ვარცხნილობას სულ რაღაც ერთი წუთი სჭირდება, იდეალურია საოფისედ.
აბადოკი მოსახერხებელია, ოღონდ არასაკმარისად დასღესასწაულო? დაფარე თმით და სულ სხვა სტილს მიიღებ.
სველ თმას თუ ე.წ. “ბიგუდებზე” დაიხვევ და მერე ფენით გაიშრობ, სალონში საათნახევრიანი ჯდომის შედეგს ნამდვილად მიიღებ. განსაკუთრებით მაშინ, თუ წინასწარ მუსს, ზეთს ან აწეწვის საწინააღმდეგო სპრეის შეიზელ თმაში.
იდეალურია მაშინ, როცა თმის ყურებზე გადაწევა მოუხერხებელია, არადა თვალებზე გეფარება.
“მოდა გადადის, სტილი რჩება.” – თითქმის ერთი საუკუნის წინ კოკო შანელის მიერ ნათქვამი ეს ფრაზა დღემდე აქტუალურია. სწორედ მან შექმნა ქალის უნიკალური სტილი და მოახდინა რევოლუცია მოდის ინდუსტრიაში.
გაბრიელ ბონჰერ შანელი 1883 წლის 19 აგვისტოს დაიბადა საფრანგეთის ერთ პატარა ქალაქში. დედის გარდაცვალების შემდეგ თავის დებთან ერთად ბავშვთა სახლში იზრდებოდა. 18 წლის ასაკში კი ტანსაცმლის მაღაზიაში დაიწყო მუშაობა და პარალელურად კაბარეში მღეროდა, სადაც განსაკუთრებულ მოწონებას იწვევდა მის მიერ შესრულებული სიმღერები “Ko Ko Ri Ko” და “Qui qu’a vu Coco”. სწორედ აქედან მიიღო მან ზედმეტსახელი “კოკო”.
კოკოს მიაჩნდა, რომ იმდროინდელი ქალის ტანისამოსი მოუხერხებელი და არაკომფორტული იყო სატარებლად, რის გამოს გადაწყვიტა საკუთარი ატელიე შეექმნა. ასე წარმოიშვა მოკლე შავი კაბა, ქალის შარვალი, ჯაჭვის სახელურიანი ჩანთა, პატარა ქუდები, დიდი სათვალე, აქტუალური გახდა გარუჯული კანით სიარული. მარგალიტმა და ბიჟუტერიამ უფრო დიდი დატვირთვა მიიღო ქალის ყოველდღიურობაში.
შანელს ძალიან უყვარდა ჯიბეები. მის მიერ შექმნილ სამოსსა და ჩანთებში ჯიბეები აქტიურადაა გამოყენებული.
fashion 